Тигрица уби чуварка во Зоолошка градина, сведоците барале психолошка помош
Жена чувар во Зоолошката градина во Цирих смртно настрадала кога ја нападнала една тигрица, соопштиле властите.
Можеби ќе ве интересира
Спасувачките екипи не успеале да го спасат животот на жената која починала на лице место. Околностите на нападот се утврдуваат, навела полицијата во соопштението.
Во заграден дел во Зоолошката градина живеат два сибирски тигри, петгодишната тигрица Иринија и четиригодишниот мажјак Сајан.
Директорот на Зоолошката градина, Северин Дресен, на новинарите им рекол дека тигрицата сè уште е жива и додал дека не е познато зошто тигрицата и чуварот биле на исто место во заградена зона.
За нападот известил еден посетител, а директорот вели дека очевидците на несреќата добиле психолошка помош.