Се самоубил: На 34 години почина една од најголемите боливудски ѕвезди

Една од најголемите sвезди на Боливуд, Сушант Синг Раџпут, е пронајден мртов во неговиот стан во Мумбаи.

Се верува дека 34-годишникот си го одзел својот живот, соопшти полицијата во Мумбаи.

Популарен по својата глума и на телевизија и на филм, Раџпут е можеби најпознат по MS Dhoni: The Untold Story, каде го играше легендарниот играч на крикет .

Многумина му оддадоа почит на Раџпут, вклучувајќи го и индискиот премиер Нарендра Моди. Смртта на Рајпут доаѓа само неколку дена по смртта на неговиот поранешен менаџер.

Роден во источната држава Бихар, Раџпут се откажа од универзитетскиот курс по инженерство за да ја продолжи кариера во глума и танц.

Неговиот пробив во Боливуд се случи во филмот Каи По Че во 2013 година, кој доби признание на филмскиот фестивал во Берлин.

Последниот филм на актерот беше Чихохор, кој беше премиерно прикажан минатата година. Режисерот на филмот Нитеш Тивари изјави дека разговарал со актерот минатата недела.

– Јас сум без зборови. Му зборував минатата недела преку пораки. Сега ова да го слушнам. Тој ми беше како помлад брат – изјави тој за медиумите во Индија.

Во последната објава за своите 10,2 милиони следбеници на Инстаграм на 3 јуни, Раџпут објави фотографија на покојната мајка, која починала во 2002 година, кога тој бил тинејџер.

Тој напиша: „Нејасното минато испарува со солзи“. Неговиот поранешен менаџер, Диша Салиан (28) почина претходно оваа недела, откако паднал од 14-ти кат од зграда во Мумбаи.

Foto: Tanjug/AP