Коронавирусот го сруши „Нетфликс“

Пандемијата со коронавирусот во светот ја „сруши“ интернет страницата за филмови и за серии „Нетфликс“, објави „Independent“.

Како што е наведено во текстот, проблемот пред половина час го пријавиле самите корисници кои во моментот ги користеле услугите на овој веб-сајт, а како причина за падот е посочена токму пандемијата со коронавирусот во светот, односно фактот дека најголемиот дел од луѓето седат дома и гледаат филмови.

„Прекинот се случи откако луѓето ширум светот во овој период се наоѓаат во своите домови како дел од препораките за физичко дистанцирање порад Ковид-19. Прекинот се случил во 18 часот, а тоа само покажува дека многу луѓе токму тогаш ги завршуваат своите работни обврски и се прибираат дома за да гледеаат филмови“, пишува порталот.