4 МЕСЕЦИ УСЛОВЕН ЗАТВОР ЗА НЕДОЛИЧНИТЕ КОМЕНТАРИ ЗА НЕСРЕЌАТА НА „БЕСА ТРАНС“ Бугаринот 3 години нема да шири омраза на социјални мрежи

Окружниот суд во Софија денеска го осуди  на  условна затворска казна од 4 месеци  Бугаринот кој на фејсбук објави недолични коментари за несреќата на автобусот на „Беса транс“ во Бугарија.

Како што е соопштено затворска казна  ќе биде ефективна доколку стори друго кривично дело во рок од три години.

Против С.Б. беше покренато обвинение за „ширење омраза“.

Според обвинението, С.Б. на 23 ноември 2021 година околу 11 часот во група на социјална мрежа објавил содржина со која ширел омраза на „основа на национална и етничка припадност кон македонскиот етнос“. Тој кон објавената содржина прикачил и фотографија од опожарениот автобус на „Беса транс“ на автопатот „Струма“.

Обвинетиот пред Судот го признал делото за кое се товари, по што е постигнат договор да му биде изречена условната казна. Согласно постигнатиот договор, казната е ефективна и обвинетиот нема право на жалба.

Несреќата на автобусот на „Беса транс“, што патуваше на релација Истанбул – Скопје, се случи на 23 ноември во раните утрински часови на автопатот „Струма“ во Бугарија, при што загинаа 45 лица, од кои 12 деца, а седум беа повредени.