19 ПАТНИЦИ ПОВРЕДЕНИ ВО СООБРАЌАЈКА Три возила се судрија кај Битола

Деветнаесет патници, од кои шестмина потешко, се повредени во сообраќајна несреќа попладнево околу 14.40 часот на Краварски пат во Битола. Сите повредени во сообраќајката се префрлени на преглед во Клиничка болница Битола, објави СДК.мк.

Сообраќајната несреќа настанала меѓу три возила, автомобил, комбе со работници од битолска фабрика и паркиран влекач.

Патниците во комбето се враќале од работа во битолска фабрика.