ЗУМ ОТКРИВА Презентерката Ејупи предложена за генерален конзул во Њујорк

Телевизиска презентерка  Бесмира Ејупи ќе стане генерален конзул на РС Македонија во Њујорк, САД, објави порталот Зум повикувајќи се на извор од владата.

Според изворот на порталот, на синоќешната седница (во заворениот дел од седницата), на предлог на Министерството за надворешни работи, владата го утврдил предлогот Бесмира Ејупи да биде пратена за македонски генерален конзул во Њујорк.

Во наредниот период во консултации со кабинетот на претседателот Стево Пендаровски, официјално ќе биде побаран агреман од земјата домаќин за новиот конзул.