Зошто Русија има помалку заразени од Луксембург?
Бројот на заразени се зголемува, но Русија е земја со 146 милиони луѓе и има помалку потврдени случаи од Луксембург - заразени се само 367 Руси.
Рускиот претседател Владимир Путин изјави дека неговата земја успеале да го спречи масовното шитење на коронавирусот благодарејќи на навремените и агресивни мерки.
Од друга страна, пак, Си-Ен-Ен се прашува: Дали Русија го држи коронавирусот под контрола?
Според информациите што ги објавија руските медиуми, очигледно е дека стратегијата на Путин функционира. Бројот на потврдени случаи со коронавирусот во оваа земја се изненадувачки мали, и покрај тоа што Русија има прилично долга граница со Кина и со оглед на тоа што првиот позитивен случај таму беше забележан уште во јануари.
Бројот на заразени се зголемува, но Русија е земја со 146 милиони луѓе и има помалку потврдени случаи од Луксембург – заразени се само 367 Руси. Во Луксембург, на пример, има 628.000 жители и има 798 потврдени случаи со коронавирусот, како и осум смртни случаи.
Според експертите, мерките на русија за брзо реагирање како што беше затворањето на границата со Кина во должина од 2.600 километри, можеби придонеле за одложување на ширењето на епидемијата во оваа земја.
– Генералниот директор на СЗО рече: „тестирајте, тестирајте, тестирајте“ – изјавила за Си-Ен-ЕН, д-р Мелита Вујновиќ, претставник на Светската здравствена организација во Русија.
– Русија започна да се тестира уште на крајот на јануари, а исто така презеде пошироки и поагресивни мерки. Досега во Русија се направени повеќе од 156.000 тестирања од коронавирусот – рекла Вујновиќ.