ЗОШТО МНР НЕ РЕАГИРА НА ЗАБРАНАТА НА МАКЕДОНСКОТО ЗНАМЕ? Дали не беа доволни досегашните понижувања, прашува Левица
На овој престижен натпревар настапува и нашата најдобра тенисерка Лина Ѓорческа, па сепак, македонското знаме е цензурирано од страна на организаторот поради непознати причини – вели Левица.
Зошто сè уште нема реакција од нашето МНР и од нашите амбасадори на забраната за македонското знаме да биде снимано при пренос на натпреварите на Aвстралија Oпен, прашува Левица.
„Македонската заедница во Австралија алармираше дека македонското знаме е забрането за пренос преку камерите на тенискиот турнир Австралија Опен, покрај знамињата на Палестина, Израел, Русија, Белорусија и Тајван, кои исто така се забранети.
На овој престижен натпревар настапува и нашата најдобра тенисерка Лина Ѓорческа, па сепак, македонското знаме е цензурирано од страна на организаторот поради непознати причини!
Иако официјално никаде не е забрането нашето знаме на овој турнир, сепак дадени се инструкции на камерманите воопшто да не го прикажуваат.
Зарем не е доста понижувањето што го прави нашата Влада преку продавање на името, сега доживуваме цензура на меѓународно ниво во спортот, што е недозволиво! Левица бара итна реакција од надлежните на ваквата цензура!