ЗОШТО КУРТУЛИЈА СУДИЈАТА И ОБВИНИТЕЛОТ ВРЗ КОИ ВЛИЈАЕЛЕ ПОТКУПЕНИТЕ ГЕОРГИЕВ И МЕМЕМТИ? Коцевски можеше да го отстрани „дивото месо“, но избра да биде пулен на СДСМ

Тоа што нема постапка против обвинителот и против судијата врз кои поранешниот врховен судија Наќе Георгиев и поранешниот член н Советот на јавни обвинители Иџет Мемети извршиле влијание покажува дека државниот обвинител Љупчо Коцевски е пулен на СДСМ, рече денеска пратеникот од ВМРО-ДПМНЕ Бране Петрушевски.

– Ако Љупчо Коцевски работеше по закон и ако сакаше да покаже дека може и знае да работи, тој ќе поведеше постапка против обвинителот и против судијата врз кои Наќе Георгиев и Иџет Мемети извршиле влијание за Боро Марлборо да добие поблага казна. Тоа што Иџет Мемети и Наќе Георгиев завршија со спогодба, а корумпираните судии и обвинители врз кои тие влијаеле останаа да правораздаваат, покажува колку Љупчо Коцевски нема идеја што треба да работи или не сака. Љупчо Коцевски можеше да го отстрани дивото месо од обвинителството и од судството, но тој избра да биде послушник на СДСМ и да ги штити нивните извршители во правосудството – рече Петрушевски.

ГЕОРГИЕВ ОДИ ВО ПРИТВОР ВО ШУТКА, ЗА МЕМЕТИ ПРЕДЛОЖЕНИ МЕРКИ Обвинителството се огласи со соопштение

Љупчо Коцевски нема еден сработен случај, за кој можат граѓаните да кажат дека знаат што работел, додаде Петрушески.

– Напротив, има многу случаи во кои не постапил воопшто. Љупчо Коцевски мора да си оди. Јавното обвинителство да работи во корист на народот, а не на СДСМ – рече Петрушевски.