ЗОШТО ИМ Е ВАЖЕН ЧЕРНОБИЛ НА РУСИТЕ? Одговорот е во кратката линија што ја спојува точката А со точката Б

Руската војска ја презеде контролата над некогашната нуклеарна електрана во Чернобил. Ова за агенцијата Ројтерс го потврди советникот на украинскиот претседател, Мијаило Подољак.

– Невозможно е да се каже дека нуклеарната електрана во Чернобил е безбедна откако Русите го извршија бесмислениот напад – рекол Подољак.

Украинскиот претседател Володимир Зеленски, пак, уште пред да се случи рускиот напад, изјави дека „бранителите ги дават своите животи за да не би се повторила трагедијат аод 1986 година“.

Министерството за надворешни работи на Украина исто така предупреду дека нападот на Русија врз Украина може да предизвика уште една еколошка катастрофа.

„Во 1986 година светот беше сведок на најголемата технолошка катастрофа во Чернобил. Ако Русија ја продолжи војната, Чернобил би можел повторно да ни се случи во 2022 година“, се вели во соопштението на Министерството за надворешни работи на Украина.

Во Чернобил во 1986 година се случи најголемата нуклеарна несреќа во светот кога експлодираше нуклеарниот реактор, а тоа резултираше со радиоактивна контаминација ширум Европа. Електраната се наоѓа на околу 130 километри северно од Киев.

Чернобыль pic.twitter.com/QAC3CrJPj2

— M:ara (@gt_lozt) February 24, 2022

Прашањето што сега се поставува е зошто некој би ја посакал нефункционалната нуклеарна електрана во Чернобил, која е опколена со радиоактивна земја?

Одговорот е географски. Чернобил се наоѓа на најкраткиот правец од Белорусија до Киев, односно на линијата по која напаѓаат руските сили.

Заземениот Чернобил, објаснуваат западните аналитичари, Русија ќе го искористи како најкраток пат за пристигнување до украинскиот главен град Киев.

Russian tanks are moving from the Chernobyl zone to Kiev

To stop them, the Ukrainian military had to blow up the bridge near the village of Ivankov.#Ukraine #Kyiv pic.twitter.com/iGNl4cO3GT

— Intel Stream (@IntelStream) February 25, 2022

– Тоа е најкраткиот пат од точка А до точка Б – изјавил аналитичарот Џејмс Ектон.

И поранешниот началник на американскиот Генералштаб, Џек Кин, вели дека Чернобил нема никаква воена важност, но се наоѓа на најкратката рута од Белорусија до Киев.

– Ако Русите сакаат да го заземат Киев, тогаш Чернобил е дел од планот – изјавил Кин.

Како што денеска беше најавено, Русија ќе распореди војници од падобранска единица кои ќе помогнат во заштита на затворената нуклеарна централа Чернобил во близина на главниот град на Украина, Киев, изјави денеска портпарол на руското Министерство за одбрана.

– Нивото на радијација во централата е нормално – изјави портпаролот на брифинг.

Според него, руските трупи, кои вчера започнаа целосна воена операција во Украина, уништија 118 локации на украинската воена инфраструктура.