ЗНАЕВ ДЕКА БОГ ЌЕ МИ ДОЗВОЛИ ДА ГО ОСВОЈАМ ОВОЈ ТРОФЕЈ! Меси за победата на Мундијалот
Моравме да поминеме низ многу нешта, но успеавме – рече најдобриот играч на Мундијалот.
Капитенот на Аргентина Лионел Меси зборуваше за освојувањето на Светското првенство во 2022 година.
– Неверојатно е што сето тоа се случи на ваков начин. Навистина сакав да победам. Знаев дека Господ ќе ми дозволи да го сторам тоа, го имав тоа чувство. Ајде да уживаме во победата сега! Ова е долгоочекуваниот пехар и еве го. Погледнете колку е убав! Моравме да поминеме низ многу нешта, но успеавме. Едвај чекам да се вратам во Аргентина – можам да замислам какво лудило ќе се случи таму – изјави најдобриот фудбалер на турнирот во Катар.
Меси рече дека нема да ја заврши својата репрезентативна кариера по освојувањето на Светското првенство 2022.
– Нема да ја завршам кариерата во репрезентацијата. Сакам да играм во репрезентацијата на Аргентина како светски шампион – изјави Меси.
Лионел Меси вечерва постигна два гола во 120 минути кои завршија 3:3, плус успешно изведе пенал во серијата која Аргентина ја доби со 4:2.