ЗНАЕ ЛИ ПУТИН ДЕКА ГУБИ ДО 35.000 ЛУЃЕ МЕСЕЧНО? Не може да го сопрете агресорот со бакнежи, вели Зеленски
Украинскиот лидер на Фејсбук апелира до западните лидери да не ги повторуваат, според него, грешките од минатото, додека војната влегува во својата петта година. Според Зеленски, попустливоста кон Москва е ноторна грешка и била во Кримската војна од 2014 година, но и претходно во Грузија и во војната во Чеченија.
„Тој губи 30-35 илјади луѓе месечно. Можете ли да го замислите ова во 21 век? Не сум сигурен дека го знае тоа.“
Со оваа порака украинскиот претседател Володимир Зеленски се обрати на платформата Икс, упатувајќи остра критика кон западните лидери и директно кон Владимир Путин.
Зеленски предупреди дека попустливоста кон Русија била грешка на Западот уште од 2014 година. Потсети и на нападот врз Грузија и на војната во Чеченија во кои Русија одзеде територии.
„Голема грешка е да му се дозволи на агресорот да земе нешто“, напиша тој.
Украинскиот лидер нагласи дека не сака да биде претседател кој ќе ги повтори грешките на своите претходници.
„Не зборувам само за Украина. Зборувам за лидерите на различни земји кои дозволија агресивна земја како Русија да дојде на нивна територија“, пишува Зеленски.
Во пораката, Зеленски директно порача дека Путин не може да се сопре со компромиси.
„Не можете да го запрете Путин со бакнежи или цвеќе. Никогаш не сум го направил тоа и не мислам дека тоа е правилниот начин. Мој совет до сите е, не го правете тоа со Путин“.
Украинскиот лидер тврди дека Русија во моментов губи меѓу 30.000 и 35.000 луѓе месечно. Според него, станува збор за огромни загуби на добро обучени војници.
Русија започна целосна инвазија врз Украина во февруари 2022 година. Војната е на прагот да влезе во својата петта година.
Двете страни редовно изнесуваат проценки за загубите на противникот. Независната верификација на тие бројки останува исклучително тешка.
Западните разузнавачки служби често оценуваат дека руските загуби се високи, особено за време на интензивни офанзиви. Москва ретко објавува официјални податоци за сопствените жртви.
Изјавата на Зеленски доаѓа во момент кога Вашингтон од Киев бара спроведување парламентарни избори и референдум за можниот мировен договор со Русија.
Една од најгорливите точки меѓу двете страни во досегашните преговори се окупираните територии во регионот Донбас.