Зибери: Задолжителен албански јазик за учениците од петто одделение
Законот за јазиците е донесен од страна на Собранието на Република Северна Македонија, а албанскиот јазик, сега веќе е официјален јазик во земјата. Ова е најважното достигнување за нас Албанците - посочи Зибери.
Во рамноправната држава, секое дете треба да има исти можности. Задолжителни часови по албански јазик за сите ученици од 5-то одделение е прашање на еднаквост, рече кандидатот за премиер од ДУИ, Насер Зибери.
Денес, во дворот на училиштето „Хасан Приштина“ во Чаир, Зибери и носителот на листата изборната единица два, Арбр Адеми, остварија средба со учителите и наставниците, за да ги слушнат нивните потреби и да разговараат за можностите за подобрување на квалитетот на образованието, особено еднаквоста во образованието.
– Мојата заложба во текот на првите 100 дена како премиер Албанец предвидува исто така и подобрување на иднината на нашите млади. Ќе го направиме задолжително предучилишно образование и ќе обезбедиме градинки во секоја општина – рече Зибери, додавајќи дека задолжителното предучилишно образование гарантира еднакво образование за сите деца без оглед на нивниот социјален статус и им помага на новите семејства што е научно докажано, и дека предучилишното образованието придонесува за образовните кариери на децата и го намалува социјалниот јаз.
– Нашата најважна инвестиција ќе биде да ја зголемиме минималната плата за учителите и наставниците на 600 евра, со што ќе се валоризира нивната неуморна работа и придонесот за иднината на нашите деца, кои се иднината на нашето општество. Ние им ги доверуваме нашите деца, па со тоа нема поголема одговорност од оваа и тоа мора соодветно да се компензира – истакна Зибери.
За време на посетата, носителот на листата на изборната единица два, Арбр Адеми, истакна дека ќе се инвестира во образовната инфраструктура, во изградбата и реновирањето на градинките и училиштата во албанските населби, проекти за кои посочи дека дел се веќе во тек.
– Да изградиме еднаква инфраструктура, училишта и модерни градинки, дури и во населбите што се изоставени во однос на инфраструктурата долги години” – истакна Адеми.
Кандидатот за премиер, Насер Зибери, се осврна и на една друга важна мерка предвидена за првите 100 дена, а тоа е задолжителното воведување на албанскиот јазик од петто одделение.
– Законот за јазиците е донесен од страна на Собранието на Република Северна Македонија, а албанскиот јазик, сега веќе е официјален јазик во земјата. Ова е најважното достигнување за нас Албанците – посочи Зибери.