Зибери во Тетово, Мицкоски во Дојран, Богданци и Гевгелија, а Заев во Прилеп и Маврово

Пертиите и денеска ја продолжуваат предизборната камшања. Коалицијата „Можеме“ денеска е во Прилеп и Маврово Ростуше .

Коалицијата „Обнова на Македонија“ ќе има средби со граѓани во  Дојран, Богданци, Валандово  и Гевгелија  на кои ќе присуствува и лидерот на ВМРО-ДПМНЕ Христијан Мицкоски.

Носителката на кандидатската листа на ВМРО-ДПМНЕ во ИЕ 1, Гордана Силјановска Давкова ќе има на средба со ОБСЕ преку платформата Zoom и ќе учествува на  трибина „Еднакви права и можности за жените во политиката“ во паркот „Жена борец“.

Носителот на кандидатската листа на ВМРО-ДПМНЕ на ИЕ 2, Владо Мисајловски ќе даде изјава на Главната улица до пазарот во општина Шуто Оризари.

Носителот на кандидатската листа на ВМРО-ДПМНЕ на ИЕ 3, Игор Јанушев ќе го посети градскиот пазар во општина Пробиштип, а потоа ќе има средба со пензионери во пензионерски дом. Тој денеска е и на средба со граѓани во Злетово.

Носителот на кандидатската листа на ВМРО-ДПМНЕ на ИЕ 4, Александар Николоски, ќе има средби со граѓани во Дојран, Богданци ,В аландово и Гевгелија.

Носителот на кандидатската листа на ВМРО-ДПМНЕ на ИЕ 6, Дафина Стојаноска,  на средба во Рекорд Гостивар со  Фуркан Чако и Ајдоган Демири и ќе има презентација на програмата во Градскиот парк во Гостивар.

Претседателот на Демократската унија за интеграција Али Ахмети и кандидатот за прв Албанец премиер Насер Зибери ќе ја посетат Тетовската слободна економска зона каде што ќе учествуват на инагурацијата на најновата инвестиција.

Коалицијата „Сега е време“ ќе одржи прес-конференција на  плоштад „Скендербег“.

Претседателот на партијата Левица, Димитар Апасиев и носителот на кандидатската листа за пратеници во ИЕ 3, Борис Крмов, ќе имаат теренски активности во Велес.