Зибери: Во Скопје има најмногу заболени, а повеќето се асимптоматски

На денешната прес-конференција, директорот на Центарот за јавно здравје – Скопје, д-р Арбен Зибери изјави дека oние кои се позитивни и се без симптоми, се лекуваат дома, а оние кои имаат лесна слика, или се лекуваат дома, или се хоспитализираат.

Тој потврди дека во општина Чаир има најмногу случаи на територијата на Град Скопје, односно 169, а според бројот на заразени следат Бутел, Сарај, Арачиново.

Зибери рече дека 60 отсто од вкупниот број на заразени во Скопје се асиптоматски.

– Затоа треба да бидеме многу внимателни, затоа што има многу асимптоматски кои ја шират болеста – вели Зибери.

Додаде дека прават скрининг во градинки и домови за стари лица, каде што биле регистрирани неколку случаи.

Директорот упати апел до сите граѓани дека дека ако не ги почитуваме мерките, само ќе ја одолговлекуваме пандемијата.