ЖИЦАТА Е ПОСТАВЕНА Полска ја заврши „мигрантската ограда“ долж границата со Белорусија

Полска ја заврши изградбата на 187 километри долга ограда долж границата со Белорусија, изјави денеска полскиот премиер Матеуш Моравјецки за време на посетата на преминот Кузница.

Полска и Белорусија делат околу 418 километри граница, меѓутоа, освен 187 километри ограда, најголемиот дел од границата минува низ езера и реки.

Минатата година ова подрачје се претвори во жариште на миграцијата. Илјадници луѓе од Блискиот Исток пристигнаа на границата, наводно откако биле повикани во Белорусија и транспортирани до границата.

Границата со Полска е и надворешна граница на Европската унија.

Полските сили во август подигнаа импровизирана ограда, која од јануари постепено беше заменета со ограда висока 5,5 метри со сензори и камери, за што се потрошени 366 милиони евра.