ЖЕНИ МАСОВНО ОБЈАВУВААТ ВИДЕА ОД ЖУРКИ Се солидаризираат со финската премиерка (ВИДЕО)

Стотици жени од Данска објавија видеа на кои танцуваат и се забавуваат на социјалните мрежи во знак на поддршка на финската премиерка Сана Марин, која со денови е во центарот на вниманието откако се појави видео на кое се гледа како таа танцува на приватна забава.

Снимките на кои жените танцуваат и уживаат со пријателите се објавени под хаштагот „Солидарност со Сана“. Тие се појавија откако протекоа видеа на кои Марин пее и танцува на забава со пријатели, по што беше критикувана за нејзиното однесување, па дури и беа поставени прашања околу способноста да ја извршува функцијата.

Love it! Danish women are posting videos of themselves partying while tagging Finnish Prime Minister Sanna Marin.

To show “Solidarity with Sanna” pic.twitter.com/8gsUTuROLJ

— Very Finnish Problems (@VFinnishProbs) August 20, 2022

Критичарите на Сана велат дека видеата покренуваат прашања за нејзиното лично и политичко расудување. Премиерката, пак, ги оспори тврдењата дека се дрогирала на забавата и открила дека направила тест за дрога, чии резултати наскоро ќе бидат објавени.

По бурните реакции на финската јавност, Сана изјави дека не прави ништо друго освен „танцува, пее, гушка пријатели и пие алкохол“.

– Се надевам дека во 2022 година ќе биде прифатено дури и оние кои носат важни одлуки да играат, да пеат и да одат на забави – рече Марин.