ЖЕНАТА ШТО ИЗБОДЕ 18 ЛУЃЕ ВО ХАМБУРГ ЌЕ БИДЕ СМЕСТЕНА НА ПСИХИЈАТРИЈА Полицијата потврди дека е умоболна

Жената на 39-годишна возраст која во петокот со нож избоде 18 луѓе на главната железничка станица во Хамбург, ќе биде сместена во психијатриска установа, соопшти полицијата.

Осомничената, која била приведена кратко време по инцидентот, била обвинета за обид за убиство на 15 луѓе со тешки телесни повреди. Според претходните полициски извештаи, нападот не бил политички мотивиран.

„Напротив, постојат многу јасни индикации дека осомничената е ментално болна“, соопшти полицијата.

Повредените се на возраст меѓу 19 и 85 години. Три жени на возраст од 24, 52 и 85 години, како и еден 24-годишен маж, беа однесени во болница со повреди опасни по живот. Полицијата во саботата објави дека сите се во стабилна состојба. Седум други лица беа тешко повредени, а 7 се здобија со полесни повреди.

Нападот беше запрен благодарение на храбрата интервенција на двајца минувачи.

📽️ ХОРОР ВО ХАМБУРГ, ЖЕНА СО НОЖ ПРОБОДЕ 12 ЛИЦА Страшна случка на главната железничка станица, шестмина повредени се во критична состојба