ЖЕНАТА ШТО ИСЧЕЗНА НА 1 ЈАНУАРИ ПРОНАЈДЕНА ЖИВА Успешен крај на тридневната хеликоптерска потрага кај Македонски Брод
55-годишната жена е пронајдена од хеликоптерската единица на МВР во реонот на село Требовлје и е пренесена на лекување во Клиничкиот центар во Скопје.
Полицијата во потрагата со хеликоптер денеска во реонот на село Требовлје ја пронајде жива жителката на село Косово, Македонски Брод, за која нејзиниот брат пријави дека се оддалечила од домот на 1 јануари.
Можеби ќе ве интересира
„Полициски службеници од Одделот за воздухопловни единици при МВР во координација со СВР Битола во реонот на село Требовлје денеска пронајдоа и безбедно ја пренесоа В.Н. (55) од село Косово, Македонски Брод, за која од страна на нејзиниот брат Б.Н.(50) на 01.01.2024 во ОВР Македонски Брод беше пријавено дека се оддалечила од домот“ – информираат од МВР.
Оттаму дополнуваат дека В.Н. е предадена на медицинскиот персонал во Клинички центар „Мајка Тереза“ во Скопје.