ЗГРАДА БЕЗ ТЕМЕЛИ СТОИ НАВЕДНАТА ВО ТУРЦИЈА Ердоган „амнестирал“ 7,4 милиони одобренија за градба за година ипол (ВИДЕО)
Критиките се дека Ердоган го сторил сето тоа поради купување на гласови за тогашните претседателски избори. Во реалноста оваа амнестија ослободила милион згради од нивните структурни дефекти. Преку легaлизација на градбите од даноци биле собранни 24 милијарди турски лири, што е околу 4,2 милијарди долари, објави турското Министерство за животна средина.
Снимка од петкатница во најтешко погодениот турски регион Кахранмарш која стои наведната по разорниот земјотрес, а се гледа дека воопшто нема темели го обиколи интернетот. Турските медиуми пишуваат дека постои сериозен проблем во градежништвото. Повеќе од 7,4 милиони одобренија за градба биле издадени во текот на година ипол низ 2018 година, а сега се апсат изведувачи, градежници, инженери. Ердоган тогаш спровел градежна „амнестија“ на зградите изградени вон прописите, а сега е под големи критики, пишува и тврди Фајненшл Тајмс.
Критиките се дека Ердоган го сторил сето тоа поради купување на гласови за тогашните претседателски избори. Во реалноста оваа амнестија ослободила милиони згради од нивните структурни дефекти. Преку легaлизација на градбите од даноци биле собранни 24 милијарди турски лири, што е околу 4,2 милијарди долари, објави турското Министерство за животна средина.
Експертите во Турција се сè погласни со ставот дека оваа амнестија го отворила патот за пеколни катастрофи. А сега се апси. Издадени се 113 налози, а 12 лица се веќе уапсени.
Дујгу Џихангер Рибеиро, професор на Блискоисточниот технички универзитет во Анкара и член на одборот на Турската комора на урбанисти, рече дека „големиот опсег на амнестијата“ се однесува на „речиси сè што може да се гради незаконски“.
По катастрофата на 6 февруари, Кемал Киличдароглу, шеф на опозициската партија ЦХП, рече дека владата со амнестијата ги претворила „куќите во гробови“ и згора на тоа „зела пари за тоа“.
Всушност, во Турција, вакви програми за градежна амнестија имало и во минатото. Тие започнале кон крајот на 1940-тите, но првично биле насочени кон помош на најниските слоеви на општеството, кон таканаречените „гецеконду“, или сиромашните населби кои никнале преку ноќ, каде што живееле оние кои не можеле да си дозволат да живеат во подобри згради.
Со теков на годините ваквите амнестии станаа често користена алатка пред избори, според истражувањето спроведено од Мелтем Шенол Балабан од Техничкиот универзитет на Блискиот Исток. Последниот круг на амнестии во 2018 година бил толку раширен што истовремено им помогнал и на оние кои граделе мали куќи, но и на големите градежни компании.