ЗЕМЈОТРЕСОТ ВО ЈАПОНИЈА ГО ПОМЕСТИЛ ТЛОТО Некаде за 1,3 метри, а некаде за 80 сантиметри
Експертите проценуваат дека силниот земјотрес што вчера ја погоди јапонската префектура Ишикава го поместил тлото во регионот Ното до 1,3 метри на запад.
Јапонската агенција за геопросторни информации (GSI) ги анализирала податоците од GPS по земјотресот со јачина од 7,6 степени, а најголемото движење е забележано во градот Ваџима, на околу 1,3 метри на запад.
Можеби ќе ве интересира
Движењето на земјата кон запад за околу еден метар е забележано во градот Анамизу, а за околу 80 сантиметри во градот Сузу, јавуваат јапонските медиуми.
Неколку силни земјотреси, од кои најсилниот беше со јачина од 7,6 степени според Рихтеровата скала, вчера ја погодија јапонската префектура Ишикава на брегот на Јапонското Море.