ЗЕМЈОТРЕС ВО ОХРИД И ОКОЛИНАТА Засега нема информации за евентуални штети
Според Европско-медитеранскиот сеизмолошки центар (ЕМСЦ), епицентарот на земјотресот бил на 9 километри североисточно од Охрид и на 66 километри од Елбасан во Република Албанија.
Земјотрес со јачина од 3,8 степени според Рихтеровата скала е регистриран утрово во 4.34 часот во Охрид и регионот.
Според Европско-медитеранскиот сеизмолошки центар (ЕМСЦ), епицентарот на земјотресот бил на 9 километри североисточно од Охрид и на 66 километри од Елбасан во Република Албанија.
Земјотресот бил на длабочина од 10 километри.
Сеизмолошката опсерваторија при Природно-математичкиот факултет во Скопје објави дека утрово се почувствувани серија земјотреси чии епицентри потекнуваат од епицентралното подрачје Пештани- Охрид -Струга, 102 км југозападно од Скопје.
„Според досегашните податоци со кои располага опсерваторијата, од серијата на земјотреси, почувствуван е земјотресот во 4.34 часот во Охрид и блиската околина со интензитет од V степени според Европската макросеизмичка скала, а во останатите југозападни делови од Републиката, земјотресот е почувствуван со интензитет од III-IV степени според Европската макросеизмичка скала“, соопшти Опсерваторијата.
Засега нема информации за евентуални штети.