Земјотрес во Драч почувствуван во Тетово и Гостивар

Земјотрес со интензитет од два до три степени според Европската макросеизмичка скала, регистрира синоќа, 13 минути по полноќ Телеметриската сеизмолошка мрежа при Природно-математичкиот факултет во Скопје.

Епицентарот на земјотресот бил во Драч, Република Албанија, 170 километри југозападно од Скопје, и магнитуда од 4,6 степени според Рихтер, но е почувствуван е во западните делови од земјава, во Гостивар, Тетово и околината.