Земјотрес од три степени почувствуван во Љубљана

Земјотрес со јачина од 3,0 степени според Рихтеровата скала  денеска околу 13.30 часот е почувствуван во Љубљана. Жителите на словенечкиот главен град го опишале како да имало подземна експлозија.

Земјотресот го потврди и Европскиот медитерански сеизмолошки институт (ЕМСЦ), а  словенечките сеизмолози објавија дека јачината на земјотресот е 2,9 степени според Рихтеровата скала.

Според првите податоци, епицентарот бил на десет километри источно од Љубљана, во близина на Домжале.