Земјотрес од 4,2 степени по Рихтер и утрово во Хрватска
Епицентарот бил во Глина, а се почувствувал и во Босна и Херцеговина.
Хрватската сеизмолошка служба соопшти дека утрово во 05.37 часот е регистриран земјотрес со јачина од 4,2 степени според Рихтеровата скала, со епицентар во близина на Глина.
Европско-медитеранскиот сеизмолошки центар наведува дека јачината на земјотресот била 4,1 степени според Рихтеровата скала, а епицентарот бил на седум километри од Глина.
Можеби ќе ве интересира
Според ЕМСЦ, епицентарот бил на длабочина од 10 километри, а потресот бил почувствуван и во Загреб.
„Звучеше како удар, а потоа почна да се ниша. Повторно, тоа глупаво чувство и звуците на крцкање на прозорците и вратите во станот“, напиша читател на порталот 24 сата.хр.
Кликс.ба пренесува дека земјотресот бил почувствуван и во северозападниот дел на Босна и Херцеговина.