ЗЕЛЕНСКИ СЕ ОБРАТИ НА ДОДЕЛУВАЊЕТО НА ГРЕМИ Испрати порака до гледачите (ВИДЕО)
„Што е спротивно на музиката? Тишината на уништените градови и убиените луѓе“, рече Зеленски на снимката.
Украинскиот претседател Володимир Зеленски во видео-обраќањето емитувано на нагеадите Греми во Лас Вегас во неделата ги повика гледачите да ги поддржат Украинците „на кој било начин“.
„Што е спротивно на музиката? Тишината на уништените градови и убиените луѓе“, рече Зеленски на снимката емитувана пред настапот на американскиот пејач Џон Леџенд и украинската поетеса Љуба Јакимчук.
„Пополнете ја тишината со вашата музика. Пополнете ја денеска, да ја раскажете нашата приказна. Поддржете нѐ на кој било начин. На кој било, но не со тишина“, рече Зеленски, облечен во темнозелена маица, на англиски јазик, со рапав глас.
Војната избувна во Украина пред повеќе од еден месец откако руските воени сили ги нападнаа областите на север, исток и југ од земјата, раселувајќи милиони цивили и претворајќи цели градови во урнатини.
Ukrainian President Zelenskyy appears in a video message at the Grammy Awards: Support us in any way you can. Any – but not in silence. pic.twitter.com/r7k7LtZow1
— bennydiego🇺🇸🏳️🌈 (@bennydiego) April 4, 2022
ФОТО: Инстаграм