📽 ЗЕЛЕНСКИ ПОТВРДИ, РУСИТЕ ПОЧНАА ОФАНЗИВА 67.000 војници се распоредени во правец на Курск
Тие го завршија трансферот на силите за напад на правецот Суми, рече Зеленски, предупредувајќи дека офанзивата од регионот на Белгород веќе е во тек, со секојдневни обиди за пробивање објави „Киев Индипендент“.
Украинскиот претседател, Володимир Зеленски, изјави дека Русија започнала нова пролетна офанзива, обидувајќи се да ја пробие украинската одбрана во регионите Харков и Суми, а во исто време продолжува притисокот на истокот на земјата.
„Денеска повеќе од 67.000 руски војници се стационирани во правец на Курск. Тие го завршија трансферот на силите за напад на правецот Суми, рече Зеленски, предупредувајќи дека офанзивата од регионот на Белгород веќе е во тек, со секојдневни обиди за пробивање“, објави „Киев Индипендент“.
Според Зеленски, украинските вооружени сили досега успеале да го спречат рускиот напредок кон регионите Харков и Суми, иако Русија продолжува да трпи големи загуби.
NEW: Russian forces continue to marginally advance in the Sumy-Kursk Oblast border area, but the Russian force grouping in the area will likely be unable to launch a major offensive operation against Sumy City in the near term without receiving significant reinforcements. ⬇️(1/3)… pic.twitter.com/iaqSx2ZA9p
— Institute for the Study of War (@TheStudyofWar) April 10, 2025
Зеленски нагласи дека Русија не ги променила своите цели – заземање територии во регионите Суми, Харков и Запорожје, како и пристап до границите на регионите Доњецк и Луганск, што, како што вели, останува дел од првичниот план на Москва од почетокот на војната.
Украинскиот претседател потсети дека Русија остварила најголеми тактички придобивки во ноември 2024 година, но тоа било проследено со големи загуби и забавување на офанзивата.
– Путин купува време и подготвува пролетна офанзива. Ги гледаме сите знаци на тие подготовки – рече Зеленски.
И командантот на украинската војска, генералот Александар Сирски, вчера потврди дека пролетната офанзива веќе е започната.