ЗДРАВСТВЕНИТЕ УСТАНОВИ ДОЛЖАТ 5 МИЛИЈАРДИ ДЕНАРИ Кривични пријави за 6 директори

Фондот за здравствено осигурување констатирал многу злоупотреби во повеќе здравствени установи во земјава.

Директорот на ФЗО, Сашо Клековски, во интервјуто за Алсат рече дека се поднесени кривични пријави против 6 директори.

Клековски очекува обвинителството да постапи брзо, додавајќи дека неколкупати контактирал со надлежните за да праша до каде се истрагите.

Кривичните пријави се за директор на здравствена установа во Тетово и за петмина директори на здравствени установи од Скопје.

Клековски појасни дека станува збор за индивидуални и за структурни злоупотреби.

Голем проблем со кој се соочуваат здравствените установи е долгот, кој, според првиот човек на ФЗО, достигнува 5 милијарди денари.