Заврши потрагата под урнатините на зградата во Флорида, нема преживеани, пронајдени 54 жртви, 86 се исчезнати

Спасувачките тимови кои трагаат по жртвите од станбената зграда во Флорида ја завршуваат потрагата и спасувањето и почнува со отстранување на урнатините, јавува BBC.

Одлуката доаѓа по приближно две недели од уривањето на зградата.

Пронајдени се 54 жртви, а 86 луѓе сè уште се водат како исчезнати, велат градските власти.

По уривањето на зградата не е пронајден ниту еден преживеан, а спасувачките тимови велат дека многу жртви лежеле во своите кревети.

Веста дека мисијата на спасување завршила дошла во текот на приватниот состанок помеѓу семејствата на исчезнатите и помошникот на противпожарниот командир на Мајами.

Градоначалникот на прес-конференција изјавил дека денешната вест е исклучително тешка.

– Сите неуморно работевме дење и ноќе две недели за да спасиме некој живот – изјавил тој.

– Денешната објава е резултат на согласноста на најблиските и дека можноста оти некој е сè уште жив е речиси нула. И додека изгледа дека нема шанси да се пронајде живот во урнатините, чудо сепак е можно – вели градоначалникот на Сурфсајд, Чарлс Барнет.

Тимовите непрекинато работеле во 12-часовни смени, а помагале тимови и од Израел и Мексико.

Во тек е голема истрага која треба да ги утврди причините за уривањето на зградата.

Сурфсајд, Чарлс Барнет