БЕА И СИ ОСТАНАА КОХЕРЕНТНИ И МИЗЕРНИ! Ивор Мицковски за новиот курс на провладината пропаганда

„Зарем можеме да им се чудиме на апологетите, конвертитите и платеничките пропагандисти на власта кога излегуваат со поддршка за сè она против кое сме се бореле или пак оправдуваат неоправдливи политики и тоа го прават дрско и безобразно?! Не, тоа ти е како да си вработил новинар и си му доверил рубрика „рамна земја” и после да се чудиш што пишува дека Земјата е рамна плоча“ – коментира во статус на Фејсбук аналитичарот Ивор Мицковски во врска со најновиот развој на настаните на политичката сцена.

„Па што да им се чудиме дека Грујо им е одеднаш добар, дека измените на КЗ биле одлични, дека криминалите на ДУИ и нивните газди не им пречат, дека Бугарија не прави ништо лошо, дека власта која го препиша и надгради режимот е најубавата на светот. Овие што се мислат за прогресивци испаднаа најголеми конзерви, реакционери, трамповисти дури по менталитет: тие немаат мислење, само политички и партиски тези, на кои реалноста треба да се адаптира и да се построи, не обратно.

Знаете, сите тие лигавици од луѓе кои во нормални околности одамна ќе беа заборавени, се намерно ставени таму каде што се, за да ја подотворат вратата за фалангите криминалци, ревизионисти, интегративци, петтоколонаши, и да ја нормализираат секоја неправда, секоја злоупотреба, секоја политичка акробација, да го згазат и закопаат нормалното и исправното и да го присвојат нужното, убивајќи ја секоја надеж за нешто подобро. Само така нивното може да остане најдобро и единствено. И тоа го прават со вообичаената провладина понизност и послушност. Навистина, на што да им се чудиме или да им замериме?!  Тие си беа и си останаа кохерентни и мизерни“ – пишува Ивор Мицковски.