Заразената мачка во Белгија кашлала слично како нејзиниот газда
Симптомите кај мачката се појавиле една недела по симптомите на сопственикот. Иако станува збор за изолиран случај и не е утврдена зараза од домашно милениче кон човек, здравствените власти во Белгија ќе дадат нови препораки за однесување со домашните животни.
Од кризниот штаб за коронавирусот во Белгија даваат неколку детали околу првиот случај на заразено домашно милениче со коронавирусот.
Мачката, инфицирана од својот сопственик, имала дијареја и респираторни проблеми, познато било дека нејзиниот газда е заразен со вирусот, по што е одлучено да се тестира и миленичето.
Резултатите од тестот на мачката анализирани на факултетот за ветеринарство биле позитивни.
Ова е прв случај на заразено домашно милениче со коронавирусот.
Симптомите кај мачката се појавиле една недела по симптомите на сопственикот.
Иако станува збор за изолиран случај и не е утврдена зараза од домашно милениче кон човек, здравствените власти во Белгија апелираат до граѓаните да ги почитуваат постојните препораки заболен човек да се самоизолира и да елиминира близок контакт со луѓе и со животни.
Мобилизирани се и властите надлежни за безбедност на храната.