Започна протестот, родителите и учениците ги наполнија улиците: Не сакаме дигитални учебници!

Неколку стотици родители и ученици протестираат против најавените образовни реформи и дигитализацијата на наставата.

Тие покренаа иницијатива со која бараат преку референдум граѓаните да имаат можност да се изјаснат за образовните реформи. Не се задоволни ниту од, според нив, т.н. дијалог со надлежното министерство. Велат дека законите се носат без консултации со засегнатите страни.

Протестот започна точно напладне од пред Министерството за образование, од каде демонстрантите мирно се упатија кон Владата, а крајна цел на маршот ќе биде Собранието.

Освен во главниот град, се протестира и во повеќе други градови во земјава.