ЗАПОЧНА КАМПАЊАТА „ЗИМА НА WOLT+“ Три недели попусти за сите членови на Wolt+

Платформата за достава Wolt, ја започна новата промотивна кампања, Зима на Wolt+, наменета за сите постоечки и нови корисници на претплатата на Wolt+ во Македонија. Во текот на следните три недели, членовите на Wolt+ ќе можат да искористат попусти до 50% на нарачки од одбрани ресторани и продавници во Скопје.

Минималниот износ на нарачка за ресторани е 350 денари, а за продавници е 600 денари. Покрај тоа, новите корисници можат да го пробаат Wolt+ целосно бесплатно во текот на 30-дневниот пробен период. После тоа, претплатата се наплаќа по 199 денари месечно или 1799 денари годишно.

„Покрај ексклузивните попусти, членовите на Wolt+ добиваат и дополнителни поволности, како што се 30% попуст на надоместокот за услуга, 5% попуст на нарачки со лично подигнување, како и достава без надомест за достава. Членството може да се откаже во кое било време, без дополнителни трошоци“, соопшти Wolt.

Кампањата вклучува голем број партнери, вклучувајќи ресторани како KFC, Dominos, Mamma Italiana, Bon Tacos, Fitness House и Vega Fresh Bar, како и продавници како Mi-Store (ГТЦ), Proteini.si Shop и Рептил маркет.

„Сите попусти се наменети исклучиво за корисниците на Wolt+ и важат само за време на периодот на кампањата“, вели компанијата.

Во написот се вели дека Wolt+ денес обединува повеќе од еден милион членови на 20 пазари, а од своето лансирање во 2021 година, им заштеди на корисниците над 200 милиони евра.

Програмата вклучува повеќе од 200.000 партнери, ресторани и продавници во прехранбената и малопродажната индустрија.

– Дигиталните платформи за достава станаа важен дел од секојдневниот живот, носејќи им на корисниците значителни заштеди на време и пари. Wolt+ е нашата посветеност кон додадена вредност, ние нудиме уште поудобно искуство за купување, со пониски трошоци за достава. Нашите најлојални корисници, но и оние кои нарачуваат повремено, имаат најголема корист. Во исто време, нашите партнери-ресторани и продавници бележат видливо зголемување на нарачките откако го воведовме Wolt+ – вели Ѓорѓе Давидовиќ, генерален директор на компанијата за Србија и Северна Македонија.

Kои се Wolt?

Wolt е технолошка компанија со седиште во Хелсинки, чија мисија е да донесе радост, едноставност и можности за заработка во секојдневието на локалните заедници. Wolt развива платформа за локална трговија која ги поврзува луѓето што сакаат да нарачаат храна, намирници и други производи, со луѓе и бизниси што се подготвени да ги продаваат и доставуваат. Компанијата е основана во 2014 година и во 2022 година ѝ се придружи на DoorDash (NASDAQ: DASH). Во 2025 година, DoorDash ја стекна и Deliveroo, дополнително проширувајќи го своето глобално присуство. Денес, заедно оперираме во повеќе од 30 земји. Повеќе информации може да се најдат на веб-страницата на Wolt.