ЗАНИМАВАЈ СЕ СО ИСТОРИЈА, А НЕ СО ПОЛИТИКА! Османи остро до бугарскиот историчар Димитров

Ангел Димитров изјавил дека во моментов Македонија не се однесува како кандидат за членство во ЕУ.

716

Ангел Димитров не е политичар, туку е историчар им му препорачувам да се занимава со историја, а не со политика, изјави денеска министерот за надворешни работи Бујар Османи во одговор на новинарско прашање за коментар на тврдењето на Димитров дека земјава не се однесува како кандидат за членство во ЕУ.

Министерот Османи нагласи дека еден од основните принципи на Договорот со Бугарија е овие две работи да бидат поделени – политиката на политичарите, а историјата на историчарите.






– Ангел Димиров очигледно покажува некоја политичка амбиција, но, уште еднаш да кажам да се концентрира на следниот состанок на историската комисија, да се подготвува, бидејќи има кој да зборува за политиката – изјави Османи.

Ангел Димитров денеска изјавил дека во моментов Република Северна Македонија не се однесува како кандидат за членство во ЕУ.

– Самото потсетување на ЕУ до РСМ, иако со една фраза: дека мора да го почитуваат Договорот за добрососедство со Бугарија, ширум ја отвора вратата за нашите приговори и барања кон земјата – рекол тој во емисијата „Брисел 1“ на ТВ „Бугарија Он еир“.

Димитров е копретседавач од бугарскиот дел на Заедничката мултидисциплинарна експертска комисија за историски и образовни прашања.

 

Поврзани содржини