ЗАКАНИ ЗА ГРАДОНАЧАЛНИКОТ ЈАНЧЕВ Истиот човек повеќе пати бил осуден за закани кон семејството Јанчеви

Основното јавно обвинителство Кавадарци оформи предмет и поведе постапка против едно лице за кривично дело – Загрозување на сигурноста според член 144 став 4 од Кривичниoт законик.

Лицето, преку коментар на социјалната мрежа Фејсбук, упатилo закана кон актуелниот градоначалник на Кавадарци Митко Јанчев дека „нема да умре од болест или од старост“.

Осомниченото лице претходно е осудувано за повеќе кривични дела за закани кон градоначалникот и кон неговото семејство.
По предлог на надлежниот јавен обвинител, судијата на претходна постапка му определи мерка куќен притвор во траење од 8 дена на осомничениот.