ЗАГРОЗЕНА КОМУНИКАЦИЈАТА МЕЃУ ЕВРОПА И АЗИЈА Јеменските Хути пресекле 4 подводни комуникациски кабли
Кабелот AAE-1 ја поврзува Источна Азија со Европа преку Египет, поврзувајќи ја Кина со Западот, Europe India Gateway (EIG) ја поврзува јужна Европа со Египет, Саудиска Арабија, Џибути, ОАЕ и Индија, а кабелот Seacom ги поврзува Европа, Африка и Индија и е поврзан со Јужна Африка.
Јеменските бунтовници Хути исекле четири подводни комуникациски кабли, за кои се верува дека припаѓаат на AAE-1, Seacom, EIG и TGN, претставува сериозно нарушување на комуникациите меѓу Европа и Азија.
Израелскиот информативен сајт „Глобс“ во екслузивен извештај наведува дека во последните неколку месеци од употреба се повлечени четири подводни комуникациски кабли меѓу Саудиска Арабија и Џибути, а тоа е направено веројатно како резултат на нападите на јеменските бунтовници Хути, кои ја имаат поддршката на Иран.
Најголем дел од непосредната штета ќе ја почуствуваат земјите од Персискиот залив и Индија, наведува „Глобс“.
Кабелот AAE-1 ја поврзува Источна Азија со Европа преку Египет, поврзувајќи ја Кина со Западот преку земји како Пакистан и Катар.
Кабелскиот систем Europe India Gateway (EIG) ја поврзува јужна Европа со Египет, Саудиска Арабија, Џибути, ОАЕ и Индија.
Додека пак кабелот Seacom ги поврзува Европа, Африка и Индија и е поврзан со Јужна Африка.