ЗАГИНАА ОСУМ ЧЛЕНОВИ ОД ЕКИПАЖОТ Авионот превезувал муниција од Србија за Бангладеш
Овој авион ги имаше сите соодветни дозволи, се во согласност со меѓународните прописи, рече српскиот министер Небојша Стефановиќ и додаде дека не се точни тврдењата на некои медиумите дека на тој лет се транспортирало оружје од Србија во Украина, оценувајќи ги како злонамерни и неточни.
Српскиот министер за одбрана Небојша Стефановиќ денеска изјави дека авионот Антонов 12 што се урна во близина на Кавала, северна Грција, превезувал 11,5 тони муниција од српската наменска индустрија во Бангладеш, а во несреќата загинале осум членови на екипажот.
Стефановиќ на прес-конференцијата рече дека авионот на украинската компанија Меридијан ЛТД, полетал од Ниш синоќа околу 20:40 часот и превезувал муниција на српската компанија Валир за Министерството за одбрана на Бангладеш, а биле планирани технички слетувања во Аман, Ријад и Ахмедабад, а требало да слета во Дака.
– Овој авион ги имаше сите соодветни дозволи, се во согласност со меѓународните прописи – рече Стефановиќ и додаде дека не се точни тврдењата на некои медиумите дека на тој лет се транспортирало оружје од Србија во Украина, оценувајќи ги како злонамерни и неточни.