Годишно како последица на загадениот воздух во Македонија умираат над 1.000 лица

Во зима, Скопје, главниот град на Северна Македонија, е еден од најзагадените градови во Европа, објави „ЕuroNews“.

Според проценките на Студијата на Светска банка, над 1.000 луѓе годишно умираат како резултат на загадувањето на воздухот во С Македонија и нејзиното население од само 2 милиони жители.

Здравствената мрежа на Југоисточна Европа е регионална организација лоцирана во Скопје. Тоа го охрабрува здравјето и благосостојбата меѓу земјите-членки и работи активно во областа поради алармантната состојба.

Мира Јовановски Дашиќ, директор на Здравствената мрежа на Југоисточна Европа вели дека извештајот направен од експерти од нејзините земји-членки покажува дека „било јасно дека штетата од загадувањето на воздухот врз здравјето е исклучително голема, а последиците може да се видат преку срцеви заболувања, алергии и карциноми“.

Неколку истражувања покажаа дека некои потрошувачи на енергија од големи размери користат гориво забрането за употреба според европските регулативи. Но, бидејќи С Македонија се обидува да стане членка на ЕУ, прилагоди голем дел од законодавството за да одговара на нормите на ЕУ. Сега, јавноста и нејзините претставници сакаат да знаат како ова усогласување на законодавството навистина ќе влијае на нив.

Министерот за животна средина Насер Нуредини вели дека земјата треба да ги спроведува своите закони.

– Не можеме само да ги усогласиме. Треба да работиме на различни фронтови. Ова е причината зошто треба да имаме подобра меѓусекторска соработка – објаснува Нуредини.

Тој вели дека Министерството за животна средина предложило нови закони во С Македонија, но за него, не е доволно само да се донесат во парламентот. Тој смета дека треба да работат заедно со инспекторите, другите министерства и агенциите за нивно спроведување.

Конверзијата на словото на законот во реалност е една од најголемите системски слабости на земјите во транзиција, како С Македонија. Европската комисија ја забележува оваа хронична слабост во сите свои извештаи за напредокот.

Засега, граѓаните сè уште чекаат владата да ги спроведе препораките на ЕК кои најверојатно ќе им дадат на жителите во Скопје здив на свеж воздух.