Заев: Спремен сум за одложување на пописот
Го видов и предлогот на претседателот на државата Пендаровски да се одложи пописот за некој месец. Во ред, јас сум секогаш спремен, сè е вредно за размислување, рече премиерот по предлогот на претседателот Стево Пендаровски да се одложи пописот.
Премиерот Зоран Заев на денешната прес-конференција, по новинарско прашање за предлогот на претседателот Стево Пендаровски за тоа да се одложи пописот, истакна дека тој е спремен на такво нешто.
Можеби ќе ве интересира
– Го видов и предлогот на претседателот на државата Пендаровски да се одложи пописот за некој месец. Во ред, јас сум секогаш спремен, сè е вредно за размислување. Летото знаеме дека попис не се спроведува, септември е кампања, октомври е изборен период за локални избори и да размислите за месец-два да завршиме некаде до средината на јуни веќе гледаме дека опозицијата тоа го одби. Затоа уште еднаш ќе ја испратам пораката да бидеме одговорни и да го спроведеме пописот – посочи Заев.