Заев: Спремен сум да му отстапам 13 пратеници на Мицкоски за тој да формира малцинска Влада

Сум докажал дека немам предрасуди за етничката припадност на било кој граѓанин или кандидат за премиер, бидејќи за мене постојат само квалитетни и неквалитетни луѓе, рече лидерот на СДСМ, Зоран Заев, на прашањето дали за него е прифатлив кандидатот за премиер на ДУИ, Насер Зибери.

– Со пратенчката група на СДСМ не може ДУИ да биде во Влада со ваков услов или уцена. Верувам дека можеме да дојдеме до 60 и повеќе пратеници, но со уцена да биде ДУИ во Влада, а нивниот кандидат да биде пратеник, апсолутно е неприфатливо. Нема да дозволиме да бидеме под уцена. Јас сум кандидатот за премиер и јас ќе бидат идниот премиер. Јас сум подготвен да му отстапам 13 пратеници на Мицкоски за тој да формира малцинска Влада. Никој не смее под уцени да преговара – рече Заев.

Мицкоски на ова му порача на Заев да ја остави математиката на математичарите.