Заев: Сите функционери, премиерот, судии да примаат минимална плата од 14.500 денари
Тој најави дека банките ќе ги одложат сите кредити на три месеци.
Сите функционери, премиерот, судии, сите вработени во јавниот сектор да примаат минимална плата за месеците април и мај во износ од 14.500 денари – изјави денеска претседателот на СДСМ, Зоран Заев, кој на прес конференција ја претстави предлог- економската програма на партијата во услови на борба со последиците од коронавиусот.
Овој и други предлог мерки ќе бидат доставени до Владата.
– Мерката не се однесува за медицинскиот персонал, полицијата, армијата и сите оние кои се справуваат со коронавирусот – изјави Зоран Заев на прес конференција.
Тој најави дека банките ќе ги одложат сите кредити на три месеци.
Заев додаде дека априлската рата ќе може да се плати во јуни, а некои од банките ќе ги одложат кредитите и на подолго, а доколку некоја банка не го почитува договореното – ќе следуваат санкции.
Заев апелираше на солидарност и предложи можност пензионери, бремени жени, лицата со посебни потреби да купуваат во периодот од 7 до 9 часот, за да се избегнат турканици со останатите граѓани.