Заев: Ова се аргументите зошто бараме избори на 14 јуни
Мерките се олабавуваат, завршува и празникот Рамазан, а и за економијата е многу важно да се одржат изборите што поскоро, истакна лидерот на СДСМ, Зоран Заев.
Првиот можен датум за одржување на изборите е 14 јуни, а тоа е затоа што веќе гледаме дека се олабавуваат мерките, а и празникот Рамазан ќе заврши до тогаш, рече лидерот на СДСМ, Зоран Заев, веднаш по завршувањето на лидерската средба кај претседателот Стево Пендаровски.
– Мерките се олабавуваат, завршува и празникот Рамазан, а и за економијата е многу важно да се одржат изборите што поскоро. Колку побрзо завшриме, толку побрзо и економијата ќе заздрави. Исто така, немаме парламент, а немаме ниту политичка влада која треба да носи одговорност. Тоа народот не го сака. Народот сака да донесе одлука. Јас еднаш реков, ние ќе победиме без разлика дали изборите ќе се одржат во јули, во август, во септември или во октомври. Убеден сум дека нашата економија ќе покаже најслаби импликации од коронакризата во споредба со сите земји од регионот. Ова се аргументите зошто бараме изборите да се одржат час поскоро, односно на 14 јуни. Поддршката на СДСМ ќе расте во следниот период. Јас верувам дека сите ќе се усогласиме и заедно ќе го утврдиме датумот за одржување на изборите – рече Заев.