Заев, Филипче и Мицкоски ќе се борат со пламените јазици во Кочани

– На пат за Кочани, на народот му е потребна помош, тука сме заедно да се бориме, кога власта веќе тоа не го прави – напиша Мицкоски.

Toj  подоцна на својот профил на Фејсбук објави дека се наоѓа во Тркање-Кочанско и оти огнот е над селото.

„Народот се самоорганизира против страотниот пожар, потребна е помош, ова е жалната слика вечерва. Се даваат натчовечки напори за локализирање на стихијата“, напиша Мицкоски.

Тој упати апел до власта за итна реакција

На тоа укажа и пратеникот Миле Лефков.

„Овде буквално во Кочани е борба за Кочани, стихијата еве гледате сега прејде во Тркање, се префрли на оваа страна и гореше борова шума над Кочани. Буквално во Кочани граѓаните сами се снајдуваа“, нагласи Лефков.

Лефков додаде дека сите граѓани излегоа со лопати, со вили, кој со што може и како умее да се спасува. А, за жал никаква реакција немаше од ЦУК.

„Директорот на прослава денес беше, наместо да реагира тој се уште си слави“, рече Мицкоски.

Лефков укажа дека за жал од власта никако да завршат со прославата, а Кочани гори.

„Упатувам апел до претседателот и до надлежните не до утре да чекааат, туку денеска да дојдат веднаш за тоа што ситуацијата е алармантна. Не да чекаат утре да се разбудат од прославата денешна, веднаш да се нацртаат овде и веднаш да почнат да го гасат пожарот овде во Кочани“, истакна Мицкоски.

Мицкоски посочи дека дека е време власта да престане со прославите кои што ги организира од народни пари, и да дојде во Кочани и да се помогне на граѓаните.