Заев: Ќе станам, оти пред Струмица се станува и се поклонува

Ќе станам оти пред Струмица се станува и се поклонува. Моето срце е најразнежнето кога сум дома во Струмица, рече лидерот на СДСМ Зоран Заев на граѓанската трибина во Струмица каде коалицијата „Можеме“ ја почна изборната кампања.

– Само дома си е дома,  тука ја почнуваме кампањата. „С“ е Струмица, „С“ е СДСМ, „С“ е сигурност и секако Струмица ни е среќата.Влегуваме во нов поход во следните 20 дена, барајќи од граѓаните да ни ја дадат одговорноста и за следните четири години да продолжиме да ја водиме нашата земја – рече Заев.

Тој во обраќањето пред струмичани рече дека не калкулиравле со политичките кариери кога носеле тешки одлуки, кои ни ги отвориле сите перспективи.

– Донесовме одлуки прво дома да се сплотиме. Ова е наша татковина и решавањето на проблемите треба да е еднакво за сите. Се зафативме со решавање на меѓународните проблеми, Го решивме проблемот со Бугаруја и со Грција и за тоа добивме огромна почит од светот. Преспанскиот договор и договорот со Бугарија ми ги донесоа сите награди. Сите светски лидери зборуваат за примерот што нашата земја го направи за изнаоѓање на решенија. Денеска имаме пријатели во целиот свет. Таа соработка носи инвестиции, носи еконопмски стандард. Денес кога сите околу нас се пријатели ни отанува да се зафатиме со работење дома, отои други пречки нема. И за овој двеиполгодишен период сработивме дома. Денес криминалците одговараат, никој не е заштитен пред правдата. Кога ги решававме најкрупните прашања ја дигнавме економијата на 3,6 проценти. Значи пари имало – порача Заев.