Заев: Бројките не ги криеме, процесот со коронавирус е транспарентен
Останува сите максимално да се придржуваме на мерките, носење на маски, редовна дезинфекција, држење на дистанца, секако хигиената е многу важна, но и укажување на другите за оваа работа - посочи Заев.
Претседателот на СДСМ, Зоран Заев во вечерашниот дебатен магазин „Click Plus“ на ТВ21 истакна дека бројките на заболени со коронавирус не ги кријат, а процесот е транспарентен.
– Едно е јасно, бројките не се кријат, транспарентен е процесот од самиот почеток до денеска и јас верувам дека само така е исправно, никако поинаку. Останува сите максимално да се придржуваме на мерките, носење на маски, редовна дезинфекција, држење на дистанца, секако хигиената е многу важна, но и укажување на другите за оваа работа – посочи Заев.
Тој додаде дека таму кадешто се применуваат повеќе мерките бројките се многу мали.
Лидерот на СДСМ, Зоран Заев во „Click Plus“ на ТВ21 посочи дека отворањето на границите и справувањето со коронавирусот зависи од самите нас.
– Најдобронамерно сакам да укажам, решението на проблемот и паѓањето на бројките е кај нас, кај граѓаните, кај сите. Колку повеќе почитуваме, толку бројките ќе бидат помали – порача Заев.