За Велигден строг полициски час – како и во викендите

За верските празници кои се пред нас, министерот Венко Филипче рече дека ќе важи целосна рестрикција во движењето.

– Сметаме дека за време на тие празници, за време на такви собири, многу тешко доколку има дозволено движење ќе може  да се исконтролира, така да, ставот ќе биде да важат истите мерки како и за викенд – изјави Филипче.

Паралелно со мерките за ограничено движење, министерот рече дека работи и економскиот тим и дека се врши подготовка на сите капацитети за нормализирање на животот, тогаш кога ќе биде момент.

Претходно и техничкиот премиер Оливер Спасовски рече дека оваа година, верниците своите молитви за Велигден ќе ги испратат од дома, а така ќе биде и за Рамазан.

– Тоа нема да не направи послаби верници, напротив тоа ќе ни го зајакне духот, зашто ќе знаеме дека со тоа спасуваме живот – порача Спасовски и рече празничните честитки да ги упатиме преку телефон или по Интернет и да останеме дома.