ЗА УКРАИНА СЕГА Е РИЗИЧНО ДА ИЗВЕЗУВА ЖИТО Песков вели дека нов договор за бродовите е тешко изводлив
Во услови кога Русија зборува за неможноста да се гарантира безбедноста на превозот во тие области, таков договор е тешко изводлив и добива поинаков карактер – многу поризичен, опасен, без гаранции, изјави портпаролот на Кремљ, Дмитриј Песков.
За Украина би било ризично да продолжи да извезува жито преку Црното Море, откако Москва го прекина учеството во договорот постигнат со посредство на ОН за олеснување на транспортот, соопшти денеска Русија.
– Во услови кога Русија зборува за неможноста да се гарантира безбедноста на превозот во тие области, таков договор е тешко изводлив и добива поинаков карактер – многу поризичен, опасен, без гаранции – изјави портпаролот на Кремљ, Дмитриј Песков.
Можеби ќе ве интересира
Тој ја обвини украинската страна дека со своите постапки ги прекршила условите од договорот.
Во саботата, Русија соопшти дека го суспендира своето учество во тој договор по нападот врз нејзината црноморска флота.