За три месеци обезбедивме поддршка од 550 милиони евра за компаниите и граѓани, рече Бектеши

Во изминатите три месеци од кога почна пандемијата  со коронавирусот ковид – 19 до денеска преку различни мерки обезбедивме поддршка за економијата и за граѓаните во вкупна вредност од повеќе од 550 милиони евра од кои само вредноста на мерките од третиот пакет изнесува 355 милиони евра и преку нив ќе бидат опфатени над 700.000 корисници, рече министерот Бектеши.

Тој дека Владата донесе три сета економски мерки за поддршка на компаниите и граѓаните со кои даде поддршка за компаниите кои најсилно го почуствуваа ударот на кризата да останат ликвидни и да исплатат плати на вработените.

Преку Развојната банка, посочи, досега обезбедивме бескаматни кредити во вредност од 12,6 милиони евра за 1.331 микро, мали и средни компании во кои работат 16.632 вработени. Преку мерката за исплата на минимална плата од 14.500 денари досега е доделена поддршка за 19.500 компании и 5.579 вршители на дејност за април и над 20.000 компании и 5.579 вршители на дејност за месец мај, а минатата недела донесовме одлука да ја продолжиме оваа мерка и за исплата на плати за месец јуни.

– Во Третиот сет мерки обезбедивме и поддршка за граѓаните со издавање платежни картички и ваучери за туризам. Картичките веќе пристигнуваат на адресата на граѓаните кои се опфатени со оваа мерка и веќе до 18-ти сдледниот месец ќе ги добијат сите – изјави министерот.