ЗА ЕНЕРГЕТСКИОТ ПАЗАР НАЈДОБРО СЕ ЗБОРУВА ВО ПАТИКИ Путин му рече на шеикот дека не сака никому да прави проблеми
Целта е да се создаде стабилност на светските енергетски пазари, а не да се создаваат проблеми. Одлуката на ОПЕК+ да го намали производството на нафта за два милиони барела дневно има за цел да создаде стабилност на светските енергетски пазари, а не да создава проблеми за некого, рече претседателот Владимир Путин на средбата со претседателот на Обединетите Арапски Емирати (ОАЕ) Мохамед Бин Зајед Ал Нахјан во Санкт Петербург.
– Ние активно работиме во рамките на договорот ОПЕК+. Го знам вашиот став. Нашите постапки, нашите одлуки не се насочени против никого, не го правиме тоа за да му создадеме проблеми некому – рече Путин, пренесе агенцијата ТАСС.
Како што истакна рускиот претседател, нивните акции се насочени кон создавање стабилност на светските енергетски пазари, така што и потрошувачите на енергија и оние кои се занимаваат со производство, снабдувачите на светските пазари се чувствуваат смирени, стабилни и самоуверени, за снабдувањето и потрошувачката да останат во рамнотежа.
Според неговите зборови, двете земји секогаш одговараат на потребите на пазарот, имајќи ги предвид актуелните настани. Путин рече дека билатералните односи меѓу Русија и ОАЕ „се развиваат многу успешно“.
– Минатата година растот на трговскиот промет изнесуваше 65 отсто, а оваа година, и покрај сите тешкотии, растот продолжува – не толку голем како минатата година, но сепак 17 отсто – заклучи рускиот претседател.
Шеикот Мохамед привлече внимание со патиките кои ги носеше на средбата со Путин.
Тој е познат по тоа што на деловните состаноци се појавува во удобни чевли, па така било и овојпат.
„Удобноста пред сè“, се пошегувал еден корисник на Твитер.
„Мохамед станува новиот моден гуру“, додава друг.
Russian Federation President Vladimir Putin just met with UAE President Sheikh Mohammed bin Zayed Al Nahyan in St Petersburg, Putin says the two nations are key for global stability and prior to Ukraine crisis their trade volumes stood at 65%. #sabcnews pic.twitter.com/ONJveaLtk0
— KhayelihleKhumalo-James Jnr (@KhayaJames) October 11, 2022