ЗА АЛИЈАНСА РЕСОРИТЕ ПРАВДА И ЗДРАВСТВО И ЛИСТА „МРСНИ“ ДИРЕКТОРСКИ МЕСТА Таравари добил понуда или јавно испоставува „цена“?
Освен тоа, Алијанса би добила и двајца заменици министри, како и директорски места во Фондот за пензиско осигурување, Македонска пошта, ЈП за водење матични книги, Македонски железницата, па дури и местото државен правобранител – брифираат партиски извори.
Владината коалиција, предводена од СДСМ и ДУИ, синоќа ѝ доставила на Алијанса на Албанците две понуди за влегување во владината коалиција, тврди порталот Тетовасот повикувајќи се на извори во таа партија.
Според изворите на порталот, едната понуда за влегување на Алијанса во коалиција со СДСМ, ДУИ, ДПА и Алтернатива, се однесува на ситуација Алтеренатива да остане во Владата. Тогаш Алијанса би ги добила Министерството за здравство и Министерството за правда. Освен тоа, Алијанса би добила и двајца заменици министри, како и директорски места во Фондот за пензиско осигурување, Македонска пошта, ЈП за водење матични книги, Македонски железницата. Освен тоа, Алијанса, наводно добила понуда да го добие и местото државен правобранител.
Втората понуда, како што пишува порталот Тетовасот, се однесува на опција во која Алтернатива би ја напуштила Владата, а на нејзино место би дошла Алијанса. Во тој случај АА би добила тројца министри и двајца заменици министри. Алијанса би ги водела Министерството за здравство, Министерството за правда и Министерството за информатичко општество и јавна администрација, како и сите јавни претпријатија, дирекции и агенции што сега ги водат кадри на Алтернатива.
Според порталот, понудата е конечна и се очекува таа да биде официјализирана на партискиот состанокот на Алијанса за Албанците в сабота.